Ugatsha olubona ngokuhlengwa kwabawelwe yingozi, olwe luthi lanxa izulu lesiphepho, uHurricane Freddy lingafiknga lolaka olwalucatshangelwa litshiye umonakalo omkhulu obalisa ukubhubha komuntu oyedwa lokubhidlizwa kwezakhiwo.
Ingcwethi ezicubungula ingozi zemvelo sezixwayise abazali ukuthi beqaphele ukuthi abantwana abatshiywa bebodwa ngalesi isikhathi izulu lisina kakhulu, ukwenzela ukwenqabela ukugalula, kulandela ukubhubha kengane ezintathu lowesilisa oyedwa kunsukwana ezedluleyo.
Amapholisa athi abantwana ababili, omunye obeleminyaka emine, omunye eleyisithupha, uPraymore Shoko loDonald Gwezuva, bagalule eChidanhika eMberengwa, esigabeni senduna uMapiravana emgodini obulamanzi.
Omunye obeleminyaka emihlanu, uMthulisi Nhlalo Ndlovu owe St. George Village enduneni uMabhikwa, eJotsholo, ubhubhe ngemva kokuwela egodini elilamanzi.
Kusenjalo, isidumbu sowesilisa uMnu. Resistance Mhlanga, obeleminyaka elitshumi lasitshiyagalolunye-19 owe Banda Village eJotsholo, owagalula ezama ukuchapha umfula uGwayi, wona owawugcwele, sitholakele sakhutshwa emanzini.
Ukuhlaziya indlela abantu abangazivikela ngazo kungozi ezifana lalezi, kanye lezulu leuSithandekile Mhlanga weStudio 7 uxoxe lengcwethi ecubungula loludaba uMnu. Everson Ndlovu.
Facebook Forum