Ukufuthelana kuyaqhubekela phambili kwele Nigeria lapho okulindwe impumela yokhetho lokudinga uMongameli olwenziwe ngoMgqibelo.
Amabandla aphikisayo asesithi ukhetho lolu kumele luqutshwe kakutsha ngoba kube lokungalandelwa komethetho lokuqilibezela.
Lokhu kugcizelelwe zinhlanganiso ezizimeleyo ezihlola lolukhetho abathi ukuphuza ukwethula impumela kudale ukungethembi lolukhetho.
Kumpumela esikhona ibandla le All Progressive Congress Party elikhokhelwa nguMnu. Bola Ahmende Tunubu eliyilo elikalowo obengumongameli uMnu. Muhammadu Buhari, osesuka esikhundleni ngenxa yokuthi usebuse okwamahlandla amabili, yilo ilolamavoti amanengi kukhetho.
Elilandelayo ngele People’s Democratic Party (PDP) elikhokhelwa nguMnu. Atiku Abubakar kulandele elikhokhelwa nguMnu. Peter Obi ele African Democratic Congress.
Sixoxe lengcwethi ecubungula ezombusazwe, uMnu. Mandla Nkomo, obese Nigeria ngeviki edluleyo.