Libikwa seliqansile inani labantu ababhalisela ukuvota endaweni ezinengi zelizwe ikakhulu emadolobheni afana lelakoBulawayo leleHarare.
Inhlanganiso ezizimeleyo ziyakufakaza lokhu njalo zithi abantu abanengi bakhanya sebelomndlandla wokuvota kukhetho oluuzakwenziwa kusikhatshana esilandelayo.
Kodwa udubo yikuthi zinlutshwana indawo ezahlelwa yeZimbabwe Electoral Commission lapho abantu abangabhalisa khona.
Ngokunjalo, abantu babikwa sebetshona beminyene emahofisini eZEC befuna ukubhalisa. Likhomishini iyakuvuma ukuthi indawo zayo ziyasilela njalo ithi iphakathi kokulungisisa loludubo.
Sixoxe lesikhulumeli senhlanganiso ekhuthaza abantu ukuthi babhalise ngobunengi eyeEkhaya Vote 2023, uMnu Nkosikhona Dibiti.
