amalinks wokungena

Breaking News

Iqhubekela Phambili Imikhankaso Yokhetho Oluzayo Abaphikisayo Besithi Amapholisa Abathwalele Ubhulo


Bakhankasa ngamandla abakubandla leCCC loba amapholisa lamalunga ebandla leZanu PF bebathwalise nzima.
Bakhankasa ngamandla abakubandla leCCC loba amapholisa lamalunga ebandla leZanu PF bebathwalise nzima.

WASHINGTON - Iqhubekela phambili imikhankaso yamabandla alungiselela ukhetho loba abanye bekhala ngokuphathwa butshapha ngamapholisa.

Ibandla leCitizens Coalition for Change lithi amalunga elibusayo aphazamise imihlangano yabo eMhondoro leRafingora ngempelaviki loba bebevunyelwe ukwenza imihlangano le ngamapholisa.

Ibandla leZanu PF lithi selidinga amavoti edlula izigidi ezinhlanu- 5 million kaMongameli Emmerson Mnangagwa.

Abakubandla leMovement for Democratic Change ekhokhelwa nguMnu. Douglas Mwonzora bathi iqhubekela phambili imikhankaso uabo loba eyinye ivinjwa ngamapholisa.

UMnu. Witness Dube, obona ngokwethulwa kwemibiko kubandla leli, uthi kunzima ukukhankasela ukhetho oluzayo.

Lokhu kusekelwa nguMnu. Trymore Mpofu, okubandla leCCC, elikhokhelwa nguMnu. Nelson Chamisa.

UMnu. Munashe Mtutsa, okudale leCentral Committee kubandla leZanu PF, uthi sebedinga amavoti ayizigidi ezinhlanu akaMnangagwa.

UMongameli Emmerson Mnangagwa uzakwethula okusemthethweni insuku zikhetho lolu kumaviki azayo.

‚Äč
XS
SM
MD
LG