Nxa isikhathi sokhetho sesiseduzane, kuba lemikhuba eqhutshwa ngabanengi abaphatheka kwezombusazwe, eyokupha uzulu lapho abakhankasela khona izipho kumbe imali.
Lokhu kukhanya kuqhubekela phambili lonyaka, ngoba kulama-video abonakala enkundleni zokuxhumana, lapho abanye abakhankasela ukukhethwa, besipha abantu beziqinti lezo imali, kanye lempahla.
Kuyonale iviki, uMongameli Emmerson Mnangagwa laye uphe induna zelizwe jikelele imota lokunye, emhlanganweni obuqhutshwa ko-Bulawayo. Kunga kuqondile na ukwenza njalo?
UMnu. Rejoice Ngwenya, umqondisi wenhlanganiso yeCoalition for Market and Liberal Solutions uthi, "Ukukhankasa kwamavoti nje, kumbe ukukhankasela ubukhansila kumbe uMember of Parliament , kumbe yikukhankasa nje; emthethweni umthetho kawuvumi ukuthi lingaze lingivotele kumbe lingaze libhalise ukuvota, sizalinika lokhu, lalokhu lalokhu yi-vote buying; akukho emthethweni. Kuvame nje ukuyenzkala kumaqembu abusayo lawaphikisayo ambalwa."
Lokhu kwengezelelwe nguMnu. Munashe Mtutsa, ilunga lebandla le-ZANU-PF yena othi umthetho wezokuvota kawuvumeli abantu ukuba behlawulwe imali kumbe benikwe izipho ezitshiyeneyo ngesikhathi kukhankaselwa ukhetho.
"Okokuqala ngifuna ukuthi ngithi mina uqinisile ubaba lapho ke nxa esithi umthetho welizwe especially sikhangele i-Electoral Act yethu. Ayivumeli ukuthi umuntu anikwe kumbe, kumbe athenge ivoti;, anike abantu izinto kuyingqondo yokuthi ufuna avotelwe, kumbe ufuna ukuthi abantu batshintshe indlela abayenza ngayo ukukhetha kumbe indlela abazakhetha ngayo umuntu abamfunayo ukuthi abamele."
Facebook Forum