WASHINGTON DC - UMongameli Emmerson Mnangagwa ngoLwesine uphe abaphathintambo bakahulumende labomabhalane babo imivuzo yokusebenza nzima.
Osebenze ukwedlula abanye bonke wathola isicoco sakuqala ngumphathintabo obona ngezokulima uMnu Anxious Masuka.
Othole isicoco sesibili ngumphathintambo obona ngobudlelwano beZimbabwe lamanye amazwe uMnu Fredrick Shava.
Umabhalane othole umvuzo wakuqala, u-permanent secretary, ngumabhalane wezokulima uMnu John Bhasera.
UMnangagwa uthe ugatsha olubona ngokwakhiwa kwezabelo ngolunye lwengatsha zikahulumende ezihambela muva ezehluleka ukuqhuba kuhle umsebenzi.
Ukuhlaziya loludaba sixhume ingcwethi kwezombusazwe uMnu Zenzo Nkomo yena othe akulalutho olubambekayo uhulumende angaziqhenya ngalo olwenziwe ngabaphathintambo bakhe ngoba abantu beZimbabwe bathwele nzima ngokuwa komnotho.
Facebook Forum