Umhlangano wabesifazane oqoqwe ngumanyano wamazwe omhlaba owe United Nations, iCommission on the Status of Women – CSW67 ufike emaphethelweni namuhla.
Lumhlangano oqale mhlaka 6 Mbimbitho ubungenwa ngabavele emazweni angamatshumi amane lanhlanu - 45. Kulawo mazwe, alitshumi lantathu – 13, abe ngawezwekazi le-Africa, agoqela eleZimbabwe.
Umhlangano lo ubuqhutshwa ngaphansi kwendikimba ethi: “Innovation and technological change, and education in the digital age for achieving gender equality and empowerment of rural women and girls.”
Kubuye kwaxoxiswana njalo ngokupha amathuba ikakhulu kwabesifazane lamantombazana bemaphandleni, ukuze bengasaleli muva kwabanye.
IStudio 7 ixoxe loNkosazana Tracy Moyo omela ibandla le-ZANU-PF ku-ward 10 eMakhasa, esigodini seTjehondo, esiqintini seMaphisa eKezi, ochasisa kabanzi ngenhlupho abahlangana lazo njengabesifazana bemaphandleni abaphatheka kwezombusazwe.
“Thina emaphandleni njengabantu abomama esisemaphandleni, into esiyinanzelelayo entweni zekuthi kubekhona njengokuthi khathesi omama kumele singene kuma kahnsili; kumele singene emahofisini aphezulu lathi sisebenze. Kodwa kulokuncidezelwa okukhulu okukhona ngoba into ezinengi khonapho ungananzelela emaphandleni, okhansila ngobaba. Omama abanikwa amathuba okuthi labo bengabayenzani, bengaba mela izigaba.” Kutsho umaMoyo
Facebook Forum