Uhulumende uthi ikhansili yeKwekwe izakwakha isikolo esitsha kulandela ingozi eyenzakala eGlobe and Phoenix Primary School lapho abantwana abalimala khona isikolo sabe size sizidilikele ngeviki edluleyo.
Imbiko ithi kulabantu abemba imigodi ngokungekho emthethweni kuleyondawo okwabangela ukuthi kubelomgelo ngaphansi kwalesi isikolo sasesidilikela khona.
Esethula umbiko izolo ngemva komhlangano ledale labaphathintambo bakahulumende abeCabinet, umphathintambo obona ngokwethulwa kwembiko uNkosikazi Monica Mutsvangwa uthe ugatsha olubona ngengozi olwe Civil Protection Unit lwaphathisa abafundi kulandela lingozi.
Uqhubeke wathi uhulumende wanikeza amatende lendlu zokufundela okwesikhatshana egcekeni lesikolo se Sally Mugabe/Russel Primary School ukwenzela ukuthi abantwana abayinkulungwane elengxenye yayo one thousand five hundred abathintheka kulingozi beqhubeke befunda.
Ukuhlaziya loludaba luSithandekie Mhlanga weStudio 7 uxoxe lengcwethi kwezomumo womkhathi lokwenqabela ingozi zemvelo, uMnu. Anglistone Sibanda.