Uhulumende usekhweze iholo lezisebenzi zakhe ngokuphindwe kabili ngedola laseZimbabwe.
Kumbiko awethule izolo unobhala wogatsha lwezemali uMnu George Guvamatanga wazise ukuthi ingxenye yeholo leli izisebenzi eziyiphiwa iyimali yakweleMelika, isikhwezwe ngamatshumi amahlanu amadola, US$50.
Ababalisi bona bakhwezelwe ngamatshumi ayisitshiyangalombili amadola, US$80.
Iholo labezempilakahle alikacaci ngoba basakhulumisana lohulumende.
Sixoxe lesikhulumeli senhlanganiso emela ababalisi bemaphandleni, iAmalgamated Rural Teachers Union of Zimbabwe, uMnu Thembakuye Moyo, yena othi iali abayifunayo yinkulungwane yaseMelika elamakhulu amabili, US$1,200, hatshi ingcosana le ekhulunywa nhuhulumende.
