amalinks wokungena

Breaking News

Behlukene Ngemibono AbeZanu PF laweCCC Phezu Kogwalo lweMelika Oluveza Ukwephulwa Kwamalungelo eZimbabwe


Riot Police Zimbabwe
Riot Police Zimbabwe

WASHINGTON DC - Abebandla leZanu PF sebesole ugwalo olwethulwe lugatsha olubona ngobudlelwano beMelika lamanye amazwe olweU.S. State Department oluveza ukuthi uhulumende weZimbabwe uqhubeke esephula amalungelo oluntu nyakenye, kuthi abeCCC bona bathi lokho yikho kanye okwenzakalyo.

Kugwalo lolu iMelika ikhulume ngokubotshwa mahlayana kwabebandla leCCC kanye lokubulawa kwamalunga alelibandla afana loMbonani Ncube, yena obikwa wagongodwa ngabasekeli beZanu PF eKwekwe nyakenye ngemva komhlangano walelibandla.

Luthi njalo amapholisa lamasotsha kanye labo abeZanu PF bazenzela santando ebantwini ngoba bethembe ukuthi abasoze bajeziswe.

Ugwalo lolu luthi njalo ukhetho lulakho ukungaqhutshwa kuhle ngoba kusakunengi okulokhe kungakalungisiswa. Khepha ilunga leZanu PF uMnu Believe Gaule uthi ngamanga wonke akhulunywa yiMelika.

please wait

No media source currently available

0:00 0:02:05 0:00

Sixoxe njalo lesikhulumeli seCCC koBulawayo uMnu Swithern Chiroodza, yena othi ngempela uhulumende weZanu PF akawahlonipho amalungelo kazulu.

please wait

No media source currently available

0:00 0:02:16 0:00

Umsakazo weStudio 7 uzamile njalo namuhla njengayizolo ukukhulumisana lomphathintambo wokwethulwa kwemibiki uNkosikazi Monica Mutsvangwa kanye lowezemithetho uMnu Ziyambi Ziyambo kodwa bonke bebengaphenduli incingo zabo. abaphendulanga njalo lemibuzo esibathumele yona.

‚Äč
XS
SM
MD
LG