Lingabe liphiwe izigidi ezifika phose ibhiliyoni lamadola ezimbabwe ibandla le MDC Alliance kodwa enye inkokheli yalelibandla ithi akuthembisi kukhetho.
Phansi komthetho we Political Parties Finance Act ibandla le Zanu PF lizathola imali eyibhiliyoni elilodwa Z$1 billion kuthi ele mdc alliance lona lizathola imali engamadola ezimbabwe afika phose ingxenye Z$449 million.
Lokhu kwenzakala kulokudonselana amandla okukhulu kulelibandla.
Umkhokheli walelibandla, uMnu. Douglas Mwonzora waxotsha enye inkokheli kodwa umthethwandaba wayibuyisela ebandleni usithi abaxotshwanga ngendlela esemthethweni.
Imizamo yokukhuluma lesikhulumeli sebandla leli, uMnu. Witness Dube yehlule.
Kodwa senelise ukuxoxa lomunye walabo ababuyiselwa ebandleni ngumthethwandaba, uMnu. Den Moyo.
