Umcebisi webhanga le Reserve, uMnu. Eddie Cross useveze ukuba uMprofethi Uebert Angel usethathelwe incwadi yokuhambisa, idiplomatic passport kulandela umfanekiso we documentary eveza inkokhlakalo ekuthengisweni kwegolide.
UAngela ubonakala kuvideo le esithi uyenelisa ukuhlambulula imali etholakale ngokungekho emthewthweni.
UCross utshele umsakazo we Al Jazeera izolo ukuthi uMongameli Mnangagwa usethathele uAngela wonke amandla ayewaphiwe njengesikhonzi selizwe.
Kunjalo nje, Ibandla leZAPU lithi liyethuselwa ngabantu abangaziwayo kulandela ukwethula kwalo umbiko likhuthaza abantu ukuthi betshengisele besola ukuthengiswa kwegolide ngokungekho emthethweni elizweni okuvezwa ngumfanekiso kamabonakude owe documentary kumsakazo we Al Jazeera.
I-Aljazeera izolo yethule umfanekiso wesibili, elithi ubonisa ukuthi igolide likhutshwa njani elizweni ngokungekho emthethweni lithunyelwe kwamanye amazwe, umongameli Emmerson Mnangagwa lezinye iziphathamandla zilolwazi ngokwenzakalayo.
I-ZAPU yaphinda yathi bonke abaveziweyo emfanekisweni weAL-Jezeera kufanele betshiye umsebenzi njalo abantu bebekezele kuze kutshengiswe yonke imifanekiso ekuluhlu lweAl-Jeezera.
UMnu. Msongelwa Ndlovu isikhulumeli seZAPU uchasisele uSithandekile Mhlanga weStudio 7 okunengi ngaloludaba.
