amalinks wokungena

Breaking News

Unina kaMahere Uwise Ezimathonsi Enkantolo Ngemva Kokudliwa Licala Kwendodakazi Yakhe


Advocate Fadzayi Mahere - CCC
Advocate Fadzayi Mahere - CCC

HARARE - Isikhulumeli sebandla leCCC uNkosazana Fadzayi Mahere ufunyanwe yinkantolo kamantshi ngoLwesithathu elecala lokwethula umbiko wamanga enkundleni yeTwitter wahlawuliswa ifayindi yamadola aseMelika angamakhulu amahlanu, US$500.

Umantshi uthe uMahere engehluleka ukuyibhadala limali, kuzamele apike okwenyanga ezintathu. Esanda kufunyanwa elecala, unina wehlise ezimathonsi ngoba esebona indodakazi yakhe ivalelwa ejele.

UNkosazana Mahere ubesetheswa icala lokuloba umbiko wamanga enkundleni yeTwitter, owokuthi amapholisa eHarare atshaya abulala umntwana owayebelethwe ngunina ngesikhathi elondoloza imigoqo yokuvalwa kwelizwe eyeCovid-19 lockdown ngo2021.

Lanxa ebekulandula lokhu, uMahere ufunyanwe elecala ngumantshi uMnu Taurai Manuwere, yena othe njengeqgwetha eselisebenze okweminyaka eminengi, uMahere wayemele abe leqiniso ngakulobayo kuqala.

Umantshi uthe njalo uMahere wangcolisa igama lamapholisa ngokuwethesa icala lokubulala umntwana khona kwakungelanto enjalo eyayenzekile.

Ngokunjalo, uthe kumele ahlawule amakhulu amahlanu amadola eMelika kumbe apike okwenyaka ezintathu nxa esehluleka ukuyibhalala leyomali.

Igqwetha likaMahere uChris Mhike uthe abavumelani lesinqumo senkundla. Abanye bathi umthethwandaba uphambanisile ngoba umthetho wokudinda amanga kudala wesulwa yinkantolo yeConstitutional Court ngomnyaka ka2014.

Umsekeli webandla leCCC uMnu Felix Magalela Mafa Sibanda ukusolile kakhulu ukufunyanwa kukaMahere lecala lokugwetshwa kwakhe.

Amagqwtha kaMahere ebephakathi kokuhlawula ifayindi yakhe ngalintambama ukuze engavalelwa. Akhangelelwe ukuphikisa isigwebo lesi lokutholakala kwakhe elecala emthethwandaba weHigh Court kunsukwana ezilandelayo.

Ukudliwa kukaMahere licala kuza ngesikhathi isiphathamandla salelibandla uMnu Job Sikhala esefikisa umnyaka evalelwe eChikurubi Maximum Prison laye ethonisiswa ngamacala atshiyeneyo.

please wait

No media source currently available

0:00 0:03:30 0:00
‚Äč
XS
SM
MD
LG