Amalunga ebandla le-ZAPU atshengisele ngoLwesihlanu phandle kwendlu yokukhonza uNkulunkulu, eyeSpirit Embassy, eBoksburk kwele South Africa, ekaMnu. Uebert Angel, odlelana loMongameli Emmerson Mnangagwa.
UAngel uphuma kumabonakude wabezindaba abe-Al Jazeera eveza ukuba ulakho ukuncedisa ekutshontshweni kwegolide esekelwa nguMnangagwa.
UMnu. Msongelwa Ndlovu, isikhulumeli sebandla le-ZAPU uthi bakhathazwa ngokwenziwa nguAngel labanye bakhe abathaphuza igolide elithengiswa mahlayana kwamanye amazwe.
"Hayi, uhambe kuhle kakhulu. Bazile abantu kodwa abazanga ngendlela ekade sikhangelele kuyona ngoba sithole umlayezo singakafiki ukuthi abantu laba besebekhansilile into yabo ye-church. Kodwa bafikile abantu satshengisela sibili. Onozindaba bebekhona. I-message ekade sifuna ukuyidlulisela eyokukhonona kwethu ngodaba lokutshontshwa wegolide ekhaya. Sibona anagni ifikile lapho ekade imele iyekhona."
UAngel uphuma ku-documentary series yabezindaba abeAl Jazeera ezikhukhumeza ngobudlelwano bakhe loMnangagwa.
Uthi uyenelisa ukuthwala igolide elinengi esebenzisa umgodla welizwe - idiplomatic bag ngoba usesikhundleni esiqakathekileyo.