WASHINGTON - Sekulensuku ezingamakhulu amathathu – 300 - uMnu. Job Sikhala evalelwa entilongweni, okubizwa ngokuthi yiRemand Prison, esetheswa icala lokutshotshozela udlakela enyatsime kulandela ukubulawa kuka Nkosikazi Moreblessing Ali ngabacatshangelwa ukuba badlelana lebandla leZanu PF.
Igqwetha lika Sikhala, uMnu. Jeremiah Bamu, uthi kuyamangalisa ukuba imithethwandaba yalile ukuthi ahlawule isibambiso sebail.
UMnu. Kucaca Phulu, omele iNkulumane edale lephalamende, uthi kuyadaniswa okwenzakala kuSikhala.
UMnu. Ziyambi Ziyambi, umphathintambo kahulumende obona ngezemithetho, uthi uhulumende kangeneli kudaba luka Sikhala lokunye.
UMnu. Believe Gaule, okubandla leZanu PF, uthi uhulumende ulandela imithetho yelizwe ekuthoniseni icala lika Sikhala.