Umthethwandaba wedale eliphezulu eSouth Africa olwe Pretoria High Court liyaqhubeka ngokucubungula udaba lokuthi kwesulwe imvumo kumbe hayi, kuncwadi ezivumela abavela kweleZimbabwe ukuthi behlale kulelolizwe ngokusemthethweni.
Amagqwetha enhlanganiso elwela amalungelo oluntu eyeHelen Suzman Foundation okuyiyo yeakhweza loludaba emthethwandaba atshele omahluli izolo ukuthi isinqumo sikahulumende weSouth Africa esokumisa ukusebenza kwala amapermit asethulwanga ngendlela esemthethweni.
Amalunga enhlanganiso yeOperation Dudula atshengisele phambi komthethwandaba izolo esithi kufanele abavela eZimbabwe babuyele kibo ngoba babathathela imisebenzi ngokuvuma iholo eliphansi kubaqhatshi.
Izizalwane zeZimbabwe ezifika phose inkulungwane ezingamakhulu amabili ezisebenzisa lezi incwadi zilakho ukuthinteka ngaloludaba.
Ukuze sicubungule okunengi ngaloludaba uSithandekile Mhlanga weStudio 7 uxoxe loMnu. Velempini Thuthani Ndlovu, ingcwethi ecubungula ezemithetho njalo eligqwetha.
