Umkamongameli welizwe, uNkosikazi Auxillia Mnangagwa utheze olulenkume ngokuveza ukuthi uxoxisane lomongameli wakwele Belarus yena engasosisebenzi sikahulumende.
Iphephandaba lobulembu, ele Zimlive.com lithi uMkamongameli lamadodana akhe amabili angamawele, uCollin lo Sean bahambe ngeviki edluleyo kwele Belarus ngendizamtshina yokuboleka, iprivate jet, ebhadalwa amadola eMelika adlula inkulungwane ezilitshumi, us$10,900 ngahola linye.
Kubonakale imfanekiso yabo belomongameli wele Belarus, uMnu. Alexander Lukashenko besetafuleni.
Unkosikazi Mnangagwa utshele intathelizindaba ukuthi baxoxisane lo Lukashenko ngayo yonke into, okungamelanga kwenziwe nguye.
Ukuhlaziya loludaba sixoxe locubungula ezombusazwe, uMnu. Siphosenkosi Bhalule.
