amalinks wokungena

Breaking News

"Ngithabe Ngimanzi-te Ngokunxuswa Emkhosini Wokugcotshwa kukaKing Charles Njalo Sengilubhekise eBhilithane," Kutsho uMongameli Mnangagwa.


Umongameli Emmerson Mnangagwa
Umongameli Emmerson Mnangagwa

Umongameli Emmerson Mnangagwa uthi uthabe umanzi te ngokuthi unxusiwe njalo wemukela ukuba khona emkhosini wokugcotshwa kwenkosi yeBhilithane uKing Charles Wesithathu ngoMgqibelo ozayo.

Embikweni awethule ebulenjini ngoMvulo, umongameli Mnangagwa uqhubeke wathi uhlangane lommeli wesigodlo seBhilithane eZimbabwe uNkosikazi Melanie Robinson ngeSonto, bacubungula eziphathelane lokuthengiselana, ukutshala imali, kanye lobudlelwano bamazwe womabili.

UMnu. Livit Mugejo, isikhulumeli sogatsha lukahulumende olubona ngokuthengiselana kanye lobudlelwano lamanye amazwe utshele iStudio 7 ukuthi bayathokoza ngokunxuswa kukamongameli Mnangagwa eBhilithane, ngoba kutshengisa ukuthi imizamo kahulumende eyokusebenzelana lamanye amazwe iyaphumelela.

UKing Charles, uthethe intambo zombuso kunina uQueen Elizabeth Wesibili, obhubhe ngomnyaka odluleyo.

Ukuhlaziya loludaba, sixoxa loMnu. Innocent Ndibali, umkhokheli webandla leEconomic Freedom Fighters Zimbabwe.

please wait

No media source currently available

0:00 0:03:39 0:00

‚Äč
XS
SM
MD
LG