HARARE - Ibandla leZanu PF lithi ngamanga ukuthi injongo yalo yokuqhuba kutsha ama-primary elections, awokudinga abazalimela kukhetho lwezwelonke kwezinye izigaba, ibingeyokuzama ukuthi kunqobe abangane bakaMongameli Emmerson Mnangagwa abanqotshwe kuhlandla lakuqala.
Idale leZanu PF Politburo lethule impumela yokhetho oluphindiweyo lolu ngoLwesithathu kulandela ukunqotshwa kweziphathamandla ezibikwa zilobudlwelano obukhulu loMnangagwa.
Abanqotshiweyo laba bagoqela uJustice Mayor Wadyejena, onqotshwe nguNkosikazi Flora Buka eGokwe Nembudziya, lomphathintambo wezemithetho uMnu. Ziyambi Ziyambi, yena onqotshwe nguNkosikazi Mercy Dinha eZvimba West.
Ekhuluma lentathelizindaba isikhulumeli sebandla leli uMnu. Christopher Mutsvangwa uthe uhlelo asebelugqibile luveza ukuba ibandla leli kalisekeli cele lenza okufunwa ngabantu.
“Abanye bethu abangenelisanga umongameli kazange abancedise. Bekungamanga ukuba umongameli ufuna ukubanceda. Lokhu kutshengisa ukuba umongameli wenelise ukwenza izinto ngemfanelo.”
UMutsvangwa uthe labo abangaphumelelanga kukhetho bengalahli ithemba ngoba ibandla lizabadingela okokwenza. Lokhu kugcizelelwe ngobona ngokuhanjiswa ko msebenzi kubandla leli, uMnu. Mike Bimha.
“Lokhu kutsho ukuba njengabandla sesiqedile uhlelo lwama primary elections. Kunengi owenzakeleyo abantu bedinga usekelo bakhon abakade bekhonona. Sesithabile ukuba uhlelo lolu soluphelile.”
Ozamela ibandla leli eMpopoma-Mzilikazi, uMnu. Admire Masikati, uncome ukuqhutshwa okwenziwe uhlelo lwama primary elections.
“Uhlelo lwama primary elections selutshengise ukuba uMongameli Mnangagwa lebandla benza izinto ngendlela eyamukelekayo.”
Ingcitshi ezicubungula ezombusazwe zithi okwenzakala kubandla leli kutshengisa ukuba sekulenguquko ethile ngoba sekutholakala inkokheli entsha. Eyinye yalezingcwethi, nguMnu. Peterson Phiri, ofundisa izifundo zezombusazwe ekholitshini leUniversity of Zimbabwe.
“Esikubonayo yikuba ibandla leZANU PF selisiba lenguquko enkulu kakhulu. Kulabantu abatsha abezayo okwakungeyajekelanga esikhathini sangemuva.”
Okumangalise abanengi yikuba uMnu. Robery Nyemudzo, owanqoba uMnu. Enock Porusingazi wasekhitshelwa ukuba uthengisa izidakamizwa wabotshwa, usephendukile ngemva kokuba ibandla leli lithe usezalimela kukhetho oluzayo.
Amalunga edale lephalamende avunyelwe ukuncintisa agoqela uMartin Matinyanya oweMbare, uEphraim Fundukwa oweChuru, Mercy Dinha oweZvimba West, uNkosikazi Buka Flora eGokwe Nembudziya, loNyasha Marange eMutare West loRobert Nyemudzo eChipinge South.