amalinks wokungena

Breaking News

USikhala Wetheswe Elinye Icala Elitsha Elokuziphatha Ngobudlwangudlwangu Emphakathini


Job Sikhala Released2
Job Sikhala Released2

WASHINGTON DC - Umeli weZengeza West edale lephalamende njalo elilunga leCCC uMnu Job Sikhala, yena oselenyanga ezilitshumi evalelwe ejele, umiswe enkantolo ngoLwesine esetheswa elinye njalo icala elitsha elokuziphatha ngobudlwangudlwangu emphakathini, i-disorderly conduct.

USikhala ubotshwe nyakenye wetheswa amacala atshiyeneyo aphathelane lodlakela njalo ulokhe evalelwe eChikurubi Maximum Prison.

UMnu Sikhala wetheswe icala elitsha leli ndawonye lowake waba nguMayor weChitungwiza uMnu Lovemore Maiko. Igqwetha labo uMnu Obey Shava uthi bayalilandula lelicala.

Ibandla leCCC lithi uSikhala uyahlukunyezwa nguhulumende weZanu PF ngezizatho zombusazwe. Kodwa yena uhulumende labeZanu PF bayakulandula lokhu.

“Kutshengisa sobala ukuthi sebesebenzisa uSikhala ukwethusela abantu bonke abafuna ukukhuluma ngokuhluphayo eZimbabwe,” kutsho umsekeli wesikhulumeli seCCC uMnu Felix Mafa Sibanda.

Uqhubeke esithi, “Sibona angani leli licala lokubaza, uSikhala ufela ukuba ngumuntu olesibindi omela abantu abangelasibindi abafana loMoblessing Ali lo owabulawa liluga leZanu PF.”

Kusenjalo, umthethwandaba walile ngoLwesihlanu ukulahla icala lokuzama ukubulala eletheswa owayengumkaConstantino Chiwenga, uMary Mubaiwa.

UMubaiwa wetheswa icala lokuzama ukubulala uChiwenga.

please wait

No media source currently available

0:00 0:02:41 0:00
XS
SM
MD
LG