amalinks wokungena

Breaking News

Amabandla Aphikisayo Akhala Ngogwalo LweVoters' Roll Olunganikwa Uzulu


Zimbabwe voters' roll
Zimbabwe voters' roll

WASHINGTON - Amabandla aphikisayo eZimbabwe athi asexoxisana leziphathamandla zomanyano weAfrican Union (AU) kulandela ukufuthelana ngokungatholakali kogwalo loluhlu lwabavotayo olweVoters Roll ngesikhathi ilizwe lilungiselela ukhetho olukhulu oluzaqhutshwa lonyaka.

Ibandla leCitizens Coalition for Change lamanye athi kuqakathekile ukukhulumisana leziphathamandla zomanyano weAU leSADC ukuze bethole ugwalo lokuvota.

UNkosazana Ellen Shiriyedenga, obona ngezokhetho kubandla leCCC, uthi kumele inhlanganiso le lezinye zingenele kudaba lwe-voters roll.

UShiriyedenga uthi udaba lolu lwabikelwa iqula leSADC elikwele Zimbabwe, elihlolisisa indlela olulungiselelwa ngayo ukhetho oluzayo.

Amabandla amanengi aphikisayo athi udaba lolu lubikelwe iqula leli. Kodwa okubandla leZANU PF, uMnu. Mlungisi Moyo, uthi akuqedakali okufunwa ngamabandla aphikisayo.

UMnu. Nhlanhla Moses Ncube, okunhlanganiso yeFreedom Alliance, uthi amabandla aphikisayo kawasoze aluthole ugwalo lweVoters Roll.

Omele iHarare North edale lephalamende, uMnu. Allan Markham, waphanyeka udaba lweVoters Roll emthethwandaba, owathi kumele lulungiswe lungakanikwa uzulu. Uyakwala lokhu.

‚Äč
XS
SM
MD
LG