Udaba olwethulwa emthethwandaba libandla le MDC Alliance olulakho ukumisa kumbe ukudlulisela phambili, ukhetho luzehlulelwa ngeviki ezayo.
Umkhokheli we bandla leli, uMnu. Douglas Mwonzora, ongomunye wabaloba isisekelo sombuso, uthi ukhomisheni ye ZEC ayiqoqanga kuhle uhlelo lwemingcele yokuvota, idelimitation, ngalokho kumele ukhetho lumiswe andubana kulungisiswe loludaba.
Emaphepheni awethulela umthethwandaba, uMwonzora uthi kulobufakazi bokuthi uhlelo lwedelimitation akumelanga lusetsehenziswe ngoba amakhomishina ezec lawo awavumelani lalo.
Umthethwandaba we Constitutional Court wavuma ukuba loludaba lulesisindo ngalokho kumele abehluli bonke balumthethwandaba bazahluza loludaba.
Sixoxe lesikhulumeli sebandla le MDC uMnu. Witness Dube ukuze sizwe okunengi ngaloludaba.
Kolunye udaba olufanayo, umkhokheli webandla eliphikisayo ele National Alliance, uMnu. Devine Mhambi usekhweze emthethwandaba we High Court udaba lokukhwezwa kwembadalo yokuncintisa kukhetho.
UMhambi uthi imali emele ibhadalwe inengi kakhulu okuyikwephula ilungelo likazulu ngoba inengi lizehluleka ukuncintisa.
