Induna yeNkayi uMnu. Mbusi Bekithemba Dakamela, isetshayele ihlombe abaphathise ngemali kanye lempahla kunhlelo ezisungule ngokusemthethweni esigabeni sayo ekuqaleni kwayonale inyanga ezibalisa ukwakhela izakhamizi eziswelayo izindlu, isiphala lesibaya senkosi, kanye lokubhadalela abantwana besikolo lemakolitshini imfundo.
Induna uDakamela, oleminyaka elitshumi lasitshiyangalombili yokuzalwa, 28, usungule inhlelo lezi ngokusemthethweni kumaviki ambalwa edluleyo emkhosini lapho obekuthe gwaqa inkokheli zomdabu ezeMatabeleland, iziphathamandla zikahulumende, amalunga edale lephalamende inhlanganiso ezizimeleyo, izakhamizi zeNkayi, kanye leyinye inkosi yaMaNdebele uMnu. Bulelani Khumalo.
Ukuze sizwe okunengi ngaloludaba, asizweni induna uDakamela exoxa emsakazweni weStudio 7.
