amalinks wokungena

Breaking News

Inkampani Epheka Unamnede Ngomhluzi Womtshwankela Lezinye Izithelo Ithi Isifuna Ukupheka I-wine Ngomhluzi Wezithelo Zemvelo


UMnumzana Mgciniwethu Mazula weLupane Veggie Guys ubukisa unamnede ophekwe ngomhluzi wezithelo zemvelo.
UMnumzana Mgciniwethu Mazula weLupane Veggie Guys ubukisa unamnede ophekwe ngomhluzi wezithelo zemvelo.

Inkampani le, egxile eLupane ithi iyathokoza ngendlela abantu abamukele ngayo amanamnede la, njalo izasebenzisa imbono ebabukayo lebachothozayo, ukuzithuthukisa

Inkampani yeLupane Veggie Guys ehluza izithelo zeganga ezigoqela umtshwankela, umnyi, lomviyo, ukupheka ngazo amanamnede ithi isicubungula ukuthatha inyathelo elifanayo ngokupheka utshwala bewayini isebenzisa lezi izithelo.

Lokhu kulandela ukubukiswa kwamanamnede aphekwe ngezithelo zeganga embukisweni weZimbabwe International Trade Fair, ogqitshwe ngoMgqibelo.

Inkampani le, egxile eLupane ithi iyathokoza ngendlela abantu abamukele ngayo amanamnede la, njalo izasebenzisa imbono ebabukayo lebachothozayo, ukuzithuthukisa.

Amanamnede la, wona asembodleleni ezilotshwe ukuthi “Mnyi Juice," lokuthi "Mviyo Juice,” ayindaba egudwini enkundleni zokuxhumana ezibalisa iFacebook leTwitter, lapho inengi labantu elitshayela ihlombe linkampani lisithi linyathelo elihle leli njengoba inengi selejwayele ukunatha okwenziwe ngezithelo ezingayisizo zesintwini.

Kubikwa ngokwakuqala ukuthi kube lenyathelo elinje elizweni.

I-Lupane Veggie Guys ivele isithengisa ezitolo ibilebile elisembodleleni njalo isingezelele ngelinye elibizwa ngokuthi Ndiya Ndiya le Sweet Chilli.

Omunye wabaqondisi beLupane Veggie Guys nguMnu. Makhosi Godonga Mahlangu, oqeqetshe okusezingeni eliphezulu kuzifundo zeSayensi.

UMnu. Mgciniwethu Mazula, ongesinye seziphathamandla zalinkampani, uthi amanye amanamnede aphekwe ngomhluzi womtshwankela lomkhemeswane.

Aphekwe ngomtshwankela abizwa ngokuthi Chocolate Berry Juice. Amanye abizwa ngesiNgisi ngathi baobab, marula, le ginger.

UMnu. Mazula uchasisele uSithandekile Mhlanga weStudio 7 ukuthi bancediswa yiZIM-TRADE, uhulumende, inkampani yeAfrican Food Revolution, kanye lezakhamizi zeLupane kunhlelo zabo.

Lalela ingxoxo esiyiqhube loMnu. Mazula.

please wait

No media source currently available

0:00 0:04:03 0:00

XS
SM
MD
LG