UMnangagwa Uhlangana labesiPostoli Beqoqa Ukukhulekela Ilizwe Phambilini Kokhetho

WASHINGTON DC - UMongameli Emmerson Mnangagwa uhlangane lenkokheli zamasonto esiPostoli aphansi komanyano weApostolic Christian Council of Zimbabwe ngoLwesine bekhulumisana ngokutshiyeneyo okugoqela udaba lokuthi kuhlelwe usuku lokukhulekela ukuthula elizweni phambilini kokhetho oluzayo.

Ekhuluma eseHero's Acre kunsukwana ezedluleyo uMnangagwa ukhuthaze uzulu weZimbabwe jikelele ukuthi alondoloze ukuthula ngesikhathi sokhetho.

Ukhetho lweZimbabwe luvame ukuba lodlakela olumemethekiswa ikakhulu ngabasekeli beZanu PF behlasela abamabandla aphikisayo afana leleCCC, lona elikhokhelwa nguMnu Nelson Chamisa.

Ngesikhathi kusenziwa amaby-elections nyakenye eInsiza laseMatobo, kulamalunga ebandla leCCC abhaxabulwe alimala kakubi ngabanakanelwa ukuthi ngabasekeli beZanu PF.

Abalimalayo laba bagoqela ilunga lePhalamende uNkosikazi Jesmine Toffa.

Umqondisi wenhlanganiso yeZimbabwe Christian Alliance uMfundisi Useni Sibanda utshele iStudio 7 ukuthi umuntu wonke weZimbabwe kumele adlale indima yokuthula phambilini kwalolukhetho ebambisane labo abamasonto labezombusazwe.

Embed share

Ingxoxo loMfundisi Useni Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:50 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala