Kunanzwa iInternational Nurses Day Abongi beZimbabwe Bekhala Ngeholo Eliphansi

WASHINGTON DC - Abongi labongikazi beZimbabwe bamanyane labanye babo emhlabeni jikelele ngoLwesihlanu ekunanzeni usuku lweInternational Nurses Day bekhala ngeholo eliphansi njalo besithi ezibhedlela akulamithi yokwelapha izigulane.

Usuku lolu lunanzwa emazweni atshiyeneyo ngenjongo yokuqakathekisa indima edlalwa ngabongi kwezempilakahle.

Lolusuku luza ngesikhathi inhlanganiso yeWorld Health Organization (WHO) isanda kufaka eleZimbabwe kuluhlu lwamazwe angamatshumi amahlanu lanhlanu, 55, alokusadalala kwezempilakahle okungamelanga abongi labodokotela bawo baqhatshwe ngamanye amazwe ikakhulu athuthukileyo.

Abongi labodokotela beZimbabwe baphuma buthumuthumu elizweni besiyadinga amadlelo aluhlaza kwamanye amazwe afana leBhilithani.

Kodwa iZimbabwe Nurses Association (ZINA) ikhala ngokuthi lokhu sokunzima ngemva kwenyathelo elithethwe yiWHO.

Ngenyanga edluleyo umphathintambo wezempilakahle njalo engumsekeli kaMongameli welizwe uMnu Constantino Chiwenga usole iBhilithani esithi idala amacala amabi ngokuhuga abongi labodokotela beZimbabwe, bona athi batshiya isikhala esikhulu elizweni labo.

Umgcinisihlalo weZINA esibhedlela seUnited Bulawayo Hospitals (UBH) uMnu Anthony Majongosi utshele iStudio 7 ukuthi kuyabadanisa ukuthi iInternational Nurses Day iza ngesikhathi abongi beZimbabwe besidla imbuya ngoluthi ngoba uhulumende esehluleka ukubaholisa imali ebanelisayo.

Embed share

Ingxoxo loMnu Athony Majongosi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:58 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Isikhulumeli sogatsha lwezempilakahle uMnu Donald Mujiri uthe ubengenelisi ukukhuluma ngaloludaba ngoba ubephathekile.