amalinks wokungena

Breaking News

Gold Mafia: Amalunga Edale Lephalamende aweCCC Ayala Ukuvalwa Umlomo Ngusomlomo Wedale


UMnu. Charlton Hwende
UMnu. Charlton Hwende

Bekhuluma kulelidale uMnu Tendai Biti loMnu Charlton Hwende, bathe uMudenda uphambanisile kakhulu ngokwalisa iphalamende ukuthi ivule uphenyo phezu kwaloludaba.

Amalunga edale lephalamende awebandla leCCC izolo asole kakhulu usomlomo walelidale uMnu Jacob Mudenda ngokwalisa lelidale ukuthi liphenye udaba lwabantu abathinteka kumisebenzi yenkohlakalo eyachaywa ngumsakazo weAl Jazeera ngenyanga edluleyo.

Bekhuluma kulelidale uMnu Tendai Biti loMnu Charlton Hwende, bathe uMudenda uphambanisile kakhulu ngokwalisa iphalamende ukuthi ivule uphenyo phezu kwaloludaba ngemva kokuba ibhanga elikhulu lelizwe eleReserve Bank of Zimbabwe linqume ngoMvulo ukuthi selikhulule imali yabantu abathinteka kufilimu le elesihloko esithi Gold Mafia ngemva kokuba uphenyo lwalo luveze ukuthi abadalanga cala.

Abasolwa ababebanjelwe imali libhanga leli bagoqela isikhonzi sikaMnangagwa uMnu uebert Angel, uKamlesh Pattni loEwan MacMillan.

Abathathu laba ngabanye babaphuma kufilimu le beveza ukuthi bahuquluza njani igolide leZimbabwe njalo besithi lokho bakwenza loMongameli Emmerson Mnangagwa, yena olokhe engakatsho lutho ngalolu daba.

Ke sizwe amazwi kaMnu. Hwende:

please wait

No media source currently available

0:00 0:01:01 0:00

Ukuhlaziya loludaba sixoxe ocubungula ezombusazwe njalo eyisiphathamandla senhlanganiso yeNational Consumer Rights Association uMnu Effie Dlela Ncube.

please wait

No media source currently available

0:00 0:02:28 0:00

‚Äč
XS
SM
MD
LG