amalinks wokungena

Breaking News

UChamisa Uthi Usekhulumisana Lenkokheli Yezwekazi leAfrica Ngokhetho Oluzaqhutshwa Lonyaka eZimbabwe



FILE: UChamisa ubingelela amalunga ebandla leCCC eMashonaland West
FILE: UChamisa ubingelela amalunga ebandla leCCC eMashonaland West

MARYLAND - UMnu Nelson Chamisa, umkhokheli webandla leCCC, uthi luqhutshwa kahle uhlelo lweConsensus Candidates Selection, olukudinga abazamela ibandla leli kukhetho olukhulu oluzakwenziwa eZimbabwe lonyaka.

UChamisa utshele iStudio 7 ukuba sebeqedile uhlelo lolu endaweni ezinengi ngaphandle kwako Bulawayo leHarare.

Uthi uzulu uzakwaziswa ngohlelo lolu kunsukwana ezilandelayo ngabantu abakhethwe nguzulu ukuba bemele iCCC ezigabeni ezitshiyeneyo.

Uphinde wathi ibandla lakhe likhulumisana lenkokheli yezwekazi leAfrica, ikakhulu ezansi yezwekazi leli, ngokhetho oluzayo.

Uthi kumele kuqhutshwe ukhetho olukhululekileyo lonyaka ukuze kubelentuthuko eZimbabwe.

UChamisa walile ukuveza amagama enkokheli asehlangane lazo. Okwamanje uMongameli Emmerson uthi eleZimbabwe lizaqhuba ukhetho olukhululekileyo lonyaka.

UMnu. Swithern Chiroodza, isikhulumeli sebandla leCCC koBulawayo, uthi kuqakathekile ukuba uChamisa akhulumisane lenkokheli yezwekazi leAfrica ngokhetho oluzayo.

‚Äč
XS
SM
MD
LG