amalinks wokungena

Breaking News

AbeMDC-T Baxotsha Amanye Njalo Amakhansila AweKadoma


Letter to fire Kadoma councillors
Letter to fire Kadoma councillors

Abaxotshiweyo ngabathi uNkosikazi Shorai Chiwara omele uWard 2, laboMnu. Chigariro oweWard 5 loMubaiwa Dhlamini owe Ward 17 besetheswa umlandu wokungaqhubi kuhle umsebenzi njalo sebengelinye ibandla.

Ibandla eliphikisayo ele MDC-T elikhokhelwa nguMnu. Douglas Mwonzora lixotshe amanye njalo amakhansila amathathu aweKadoma ngemva kokuxotsha njalo abanye ekuqaliseni kweviki.

Abaxotshiweyo ngabathi uNkosikazi Shorai Chiwara omele uWard 2, laboMnu. Chigariro oweWard 5 loMubaiwa Dhlamini owe Ward 17 besetheswa umlandu wokungaqhubi kuhle umsebenzi njalo sebengelinye ibandla.

Lokhu kulandela ukuxotshwa njalo kukaMeya weKadoma, uMnu. Action Nyamukondiwa, owayengukhansila kaWard 3, uMnu. Edson Muzira oka Ward 4 loMnu. Nigel Rozario obengoka Ward 15.

Lokhu kwenzakala ngesikhathi ilizwe likhangelelwe ukuqhuba ukhetho lokudinga amakhansila, amalunga edale lephalamende lomongameli welizwe, phakathi kwenynga ezimbili ezilandelayo. I- Studio 7 ixoxe lesikhulumeli seMDC, uMnu. Witness Dube, echasisa izizatho abazixotshele amakhansila la.

Witness Dube MDC T spokesperson says his party is analysing the delimitation report.
Witness Dube MDC T spokesperson says his party is analysing the delimitation report.

"Abantu bayakhonona kakhulu ukuthi amakhansila lawa akasaqhubi kuhle umsebenzi. Sababiza ukuthi sikhulume labo njengebandla kodwa bona benqaba ukuzokhulumisana lathi besithi sebengabelinye ibandla. Lokhu kwenze sibanjwe ngamandla ukuthi sibaxotshe, mhlaumbe khona ebandleni abakili bengakhuluma labo", kutsho uDube.

Omunye wabaxotshiweyo uNkosikazi Shorai Chiwara, obemele uWard 2, ugcizelele ukuthi ngempela wemukele incwadi evele kuMDC-T imazisa ukuthi usexotshiwe ebandleni leli kodwa yena akulani laye ngoba sowaphuma kulelo bandla kudala.

‚Äč
XS
SM
MD
LG