Amabutho ele Russia encedisana lawebutho elizimeleyo elalelolizwe ele Wagner Group baze bangena edolobheni le Bakhmut kwele Ukraine ngemva kokulwisana kulelidolobho okwesikathi esifika phose inyanga ezilitshumi.
Kubhubhe amasotsha amanengi kakhulu empini le kunxa zombili kodwa kubikwa amasotsha akwele Russia yiwo amanengi afileyo empini le.
Amabutho akwele Ukraine wona abikwa esithi asegombolozele lelidolobho okokuthi kuzakuba lula ukuhlasela aamasotsha akwele Russia.
Amabutho eWagner Group athi aseqede umsebenzi wawo wokuthumba lelilodolobho njalo asezasuka.
Kodwa enye inkokheli yebutho lakwele Melika ilokhe isithi kumele amabutho akwele ukraine engazahlasela emadolobheni athunjwa kodwaavimbe lawo angahluthunwanga.
Sixoxe lohlaziya ezombusazwe, uMnu. Raphael Mthombeni ukuze sizwe imbono yakhe ngaloludaba.
