amalinks wokungena

Breaking News

Idale leSenate Lihlaziya Umthetho 'Oncindezelayo' Njalo Osolwa Ngabanengi owe'Patriotic Bill'


Zimbabwe Parliament
Zimbabwe Parliament

WASHINGTON DC – Idale leSenate namuhla likhangelelwe ukuhlaziya umthetho ophakathi kokubunjwa, oweCriminal Law Codification and Reform Amendment Bill, wona olomugqa osolwa kakhulu ngabantu abanengi obizwa njalo ngokuthi yi-Patriotic Bill.

Lumthetho wenza kube licala ukuthi izizalwane zeZimbabwe zisole ilizwe lazo kumbe zicele ohulumende bamanye amazwe ukuthi bethese iZimbabwe izijeziso zenotho.

I-Bill yalumthetho ipasiswe ngamalunga eZanu PF edale lePhalamende yaphansi, iHouse of Assembly ngeviki edlulileyo.

Amalunga amabandla aphikisayo azama ukuvimba lumthetho kodwa ehluleka ngoba iZanu PF ilamalunga amanengi kulelidale.

Ungapasa kuSenate lumthetho, kuyabe sokumele usayinwe nguMongameli Emmerson Mnangagwa ukuze ube ngumthetho opheleleyo.

Abalwela amalungelo oluntu labamabandla aphikisayo agoqela eleCCC bayawusola besithi uyindlela kahulumende yokuhlukuluza abantu abaphikisana leZanu PF.

Kodwa iZanu PF ithi ujonge ukuvikela iZimbabwe kuzizalwa zayo ezigila imikhuba lezitha.

Abayatholakala belecala phansi kwalumthetho balakho ukugwetshelwa ukupika okweminyaka engamatshumi amabili, 20 years, kumbe ukulengiswa.

USenator webandla leMDC uMnu Khaliphani Phugeni uthi mubi kakhulu lumthetho.

please wait

No media source currently available

0:00 0:03:26 0:00

Kodwa ilunga leZanu PF uMnu Admire Masikati, yena oncintisa edinga ukumela iMpopoma edale lePhalamende uthi uyadingeka kakhulu lumthetho.

please wait

No media source currently available

0:00 0:00:54 0:00

Forum

XS
SM
MD
LG