amalinks wokungena

Breaking News

UChris Christie Usungula Umkhankaso Wokhetho lukaMongameli waseMelika


Election 2024 Christie
Election 2024 Christie

WASHINGTON DC – Owake waba ngusibalukhulu wesigaba seNew Jersey, eMelika, uMnu Chris Christie usengene kumncintiswano wokudinga ozamela ibandla eliphikisayo elamaRepublicans kukhetho lukaMongameli ngomnyaka ozayo.

Abanye asebengene kulumncintiswalo babalisa owake waba nguMongameli uMnu Donald Trump, owayengumsekeli wakhe uMnu Mike Pence, usibalukhulu weFlorida uMnu Ron DeSantis, uMnu Tim Scott onguSenator kanye loNkosikazi Nikki Haley, owayeyisikhonzi seMelika kumanyano weUnited Nations phansi kukahulumende kaTrump.

Ozakhethwa phakathi kwabantu laba nguye ozamela ibandla lamaRepublicans, abesengqikilane loMongameli Joe Biden owebandla elibusayo elamaDemocrats kukhetho lukaMongameli oluzakwenziwa ngoLwezi kumnyaka ozayo.

Esungula umkhankaso wakhe ngoLwesibili, uChristie uchothoze uTrump esithi amaRepublicans akumelanga amkhethe ukuba abuyele esikhundleni sikaMongameli ngoba engumuntu oliminamina njalo olamaphutha amanengi.

Uphenyo luveza ukuba uTrump, yena obhekane lamacala amanengi aphenywa ngabatshutshisi, nguye okhokhelayo kumncintisano wamaRepublicans.

Kodwa ohlaziya ezombusazwe ohlala eMelika olilunga leCCC uMnu Tim Muringai uthi lusalude uhambo ukuthi kubonakale ukuba ngubani ozavotelwa ngamaRepublicans ukuthi awamele kukhetho lukaMongameli.

please wait

No media source currently available

0:00 0:03:29 0:00

Forum

XS
SM
MD
LG