WASHINGTON DC -- dale lephalamende laphezulu eleSenate, selipasise umthetho okade usalolongwa owe Criminal Law Codification (Reform) esigabeni ese “Patriotic Bill”. Lumthetho yiwo othinisiswawo ngawo inzalo yeZimbabwe, eziyabe zisetheswa icala lokuqoqa ukuvukela uhulumende loba ukukhuthaza amanye amazwe ukuthi afakele ilizwe izijeziso zomnotho. Khathesi leli Bill selimelele ukuthi lisayinwe nguMongameli Emmerson Mnangagwa ukuze ube ngumthetho uqhobo.
Abazafunyanwa belecala phansi kwalumthetho balakho ukugwetshelwa ukulengiswa. Ingcwethi ezibona ngokulondolozwa kwamalungelo oluntu zithi lumthetho wephula ilungelo loluntu.
Phansi kwalumthetho abanye njalo balakho ukujeziswa ngokuthathelwa ilungelo lokuvota loba ukuncintisa ezikhundleni zobukhokheli elizweni loba njalo ukuthathelwa ubuzwe babo, I “citizenship”
I- Bill le lipasisiwe lanxa amalunga edale lephalamende awamabandla aphikisayo abengavumelani lawo, beliphikisa kanzima kodwa kuthe sekuvotha behlulwa ngamavoti njengoba amalunga aweSenae amanengi engawebandla elibusayo ele Zanu PF.
Forum