BULAWAYO - Iqembu labesilisa elimela ilizwe emdlalweni kakhilikithi linqobe eleNepal ngama wickets ayithoba minwe mbili emdlalweni walo owakuqala owomncintiswano we ICC Cricket World Cup Qualifier oqale namhla esigodlweni iHarare.
Iqembu leZimbabwe likhethe ukuba eleNepal kube yilo eliqala ukutshaya ibhola njalo iqembu lezivakatshi libuthelele ama runs angamakhulu amabili lamatshumi ayithoba munwe munye (290) lilahlekelwe ngabadlali abayithoba minwe mbili.
Kuthe eleZimbabwe seliphendula lifikise lelonani lilahlekelwe ngabadlali ababili njalo lisalelwe ngamabhola angamatshumi amathathu lanhlanu ukuba liqede ama overs angamatshumi amahlanu.
Ukaputeni weqembu uCraig Ervine kanye lo Sean Williams badlale indima enkulu ekunqobeni kweqembu leZimbabwe njengoba batshaye ama runs ayedlula ikhulu umdlali ngamunye.
Ekuphoseni ibhola uRichard Ngarava nguye okhuphe abadlali abanengi abeNepal njengoba ethethe ama wickets amane.
Komunye umdlalo wesibaya sika Group A iqembu leWest Indies linqobe eleUnited States of America ngama runs angamatshumi amathathu lathoba munwe munye (39).
Kusasa ngoMvulo imidlalo yesibaya sikaGroup B izadlalwa ngokulandelayo:
Iqembu leSri Lanka lizadibana leleUnited Arab Emirates kuthi eleIreland lizangqikilana leleOman.
Yomibili limidlalo izaqhutshelwa edolobheni lakoBulawayo.
Forum