amalinks wokungena

Breaking News

ZEC:Babe Ngabalitshumi Lanye Abenelise Ukuphanyeka Amaphepha Ukuncintisa Kukhetho Lokudinga uMongameli Welizwe


Nomination Court
Nomination Court

WASHINGTON DC -- Umkhokheli webandla eliphikisayo eleLEAD, uNkosazana Linda Masarira, useye emthethwandaba waphezulu oweHigh Court ephikisa inyathelo ledale eleNomination Court, lokumalela ithuba lokuthi abhalise ukuze ancintise esikhundleni sokudinga umongameli welizwe. Ngakwelinye icele ibandla eleMDC-T elikhokhelwa nguMnu. Douglas Mwonzora likhweze isicelo emthethwandaba oweElectoral Court, sokukhalaza ngokuphathwa kubi kwamalunga alo ezigabeni ezitsheyeneyo zelizwe, lapho ezama ukubhalisa ukuncintisa kukhetho kuNomination Court.

Umqondisi obona ngokwethulwa kwemibiko, kuleli bandla umnumzana Chengetai Guta, uthi lelibandla lehlulekile ukubhadalela amalunga alo, indleko yokubhalisa ngemva kokuba ikomishini ebona ngokhetho eye Zimbabwe Electoral Commission iyale ukwamukela lawo malunga ngezizatho ezehlukeneyo. Ibandla eleZanu PF lona lithi njengoba seliqedile ukubhalisa labhadalela lendleko kuNomination Couert osokusele yikuthi lisungule umkhankaso walo walonyaka wokudinga usekelo ngomhlangano omkhulu ozakwenzelwa eChipinge, NgoMgqibelo.

NgoMgqibelo njalo ibandla ele eliphikisayo eleCCC lithi lizaba lomhlangano omkhulu eGermiston, eJohannesburg, kwele South Africa .

Lonyaka sokusitsho ukuba abantu abalitshumi lanye benelisile ukuphanyeka amaphepha abo bebhalisela lokubhadalela indleko yokuthi ban cintise kukhetho lokudinga umongameli welizwe.

Laba babalisa umkhokheli weZanu PF, Umongameli Emmerson Mnangagwa, omnumzana Nelson Chamisa oweCCC, Douglas Mwonzora oweMDC-T, Lovemore Madhuku oweNCA, owake waba yisiphathamandla se ZANU-PF osencintisa ezimele, u-Saviour Kasukuwere, Trust Chikohora owe Zimbabwe Coalition for Peace and Development, Joseph Makamba Busha owe Freezim Congress, Blessing Kasiyamhuru owe Zimbabwe Partnership for Prosperity, Wilbert Mubaiwa oweNational People's Congress, Gwinyai Henry Muzorewa oweUnited African National Council lo Peter Harry Wilson owe Democratic Opposition Party.

Forum

‚Äč
XS
SM
MD
LG