BULAWAYO - Iqembu leSri Lanka linqobe eleIreland ngama runs alikhulu lamatshumi amathathu lantathu (133) kuthi eleScotland lona linqobe eleOman ngama runs angamatshumi ayisikhombisa lesithupha (76) emidlalweni eqhutshwe namhla edolobheni lakoBulawayo.
Lo ngumncintiswano weInternational Cricket Council World Cup Qualifier oqhutshelwa kwele Zimbabwe.
Limpumela itshiye iqembu leSri Lanka kanye leleScotland elemiklomelo eyisithupha okutsho ukuba azadlulela kusigaba esilandelayo esomncintiswano eseSuper Six esuka kusibaya sikaGroup B ndawonye leqembu leOman lona elilemiklomelo emine.
Iqembu leZimbabwe, iNetherlands kanye leWest Indies yiwo azadlulela kusigaba seSuper Six esuka kusibaya sikaGroup A.
Forum