Uhulumende uthi ukuqina kwesisindo sedola le Zimbabwe nxa liqathaniswa lemali yemzini sokubangele ukuthi imbadalo yentuba zomgwaqo, ama toll gate, kunye lemithelo yezimota, yehle.
Imota ezincinyane bezihlawula imali ezinkulungwane zamadola ezifika phose ezilitshumi lambili, Z$11 960 kodwa isehlise yafika kunkulungwane zamadola ezedlula itshumi, Z$10 800.
Kodwa, izakhamizi zithi lanxa idola leZimbabwe libikwa lilokhe liqina nxa liqathaniswa leleMelika,impilo ilokhe iqhubeka isiba lukhuni ngoba intengo yempahla yezitolo ikhuphuka kokuphela njalo osomabhizimusi abayithembi imali yeZimbabwe.
Uhulumende uzitshayela ihlombe ngokuqina kwamandla edola leZimbabwe njalo uthi usomabhizimusi abangasoze bemukele imali le ngoba befuna eyakwamanye amazwe bephula umthetho.
Okunengi ngaloludaba asikuzweni kungxoxo uSithandekile Mhlanga weStudio 7 ayiqhube loMnu. Thembelani Dube, isiphathamandla snhlanganiso yeBulawayo Progressive Residents Association.
Forum