Oncintisa kukhetho lukaMongameli elilunga elizimeleyo uMnu Saviour Kasukuwere uzakwenza umhlangano lentathelizindaba eJohannesburg, kweleSouth Africa namuhla lapho azakhuluma khona kabanzi ngomkhankaso wakhe kanye lokuphikisa kwakhe ukuvinjwa ukuncintisa kulolukhetho ngumthethwandaba weHigh Court.
Amagqwetha kaKasukuwere akhweze amaphepha edale leSupreme Court izolo elicela ukuthi lesule isinqumo seHigh Court esokuthi uKasukuwere kumele akhitshwe kuluhlu lwabancintisayo ngoba wahlala phandle kwelizwe okwesikhathi esedlula umnyaka olengxenye, okuyinto engavunyelwa ngumthetho weElectoral Act.
Ilunga leZanu PF yilo elakhweza loludaba.
Omunye wemibuzo ekhangelelwe ukubuzwa uKasukuwere zintathelizindaba namuhla ngowokuthi uzahamba nini eZimbabwe ayekhankasela ukhetho.
Lo ngumbuzo obuzwe njalo omunye wabasekela uKasukuwere uMnu Ntokozo Msipha nguNtungamili Nkomo weStudio 7.
Sibuze ocubungula ezombusazwe uDr Shephered Mpofu ukuthi ubona uKasukuwere olungenza esatshwe yiZanu PF na?
Kunjalo nje, ibandla le CCC lithi alizihluphi ngokwalelwa ukuncintisa kukhetho okwenziwe uMnu. Savior Kasukuwere ngoba kuyindaba yomndeni.
Ke sizwe amazwi kamsekeli wesikhulumeli salelibandla, umnu. Felix Magalela Mafa Sibanda.
Forum