Iqembu leHighlanders liqhubekele phambili litshaya eziwayo njengoba linqobe eleHerentals nge 1 ka nya emdlalweni oqhutshelwe enkundleni yeMandava ngeSonto emini.
Ohlohlele iqembu leHighlanders nguMelikhaya Ncube.
Limpumela itsho ukuba iqembu leBosso selikhokhela ngemiklomelo emine phezu kwengalane yemiklomelo njengoba selilemiklomelo engamatshumi amathathu lanye (31) ngemva kwemidlalo elitshumi lanhlanu (15) ikanti elisendaweni yesibili eleNgezi Platinum Stars lilemiklomelo engamatshumi amabili lesikhombisa (27).
Emdlalweni oqhutshelwe enkundleni yeGibbo, iqembu leBulawayo Chiefs litshaye eleTriangle nge3 ka nya njalo umgadli uObriel Chirinda nguye olitshayele emambuleni kathathu.
NgaseBata enkabazwe iqembu leBlack Rhinos libe ngutshiki lobhanqa 1 ka 1 leleHwange. Ohlohlele iqembu leRhinos nguAllan Gahadzikwa kuthi ohlohlele iHwange nguKelly Shiyandindi.
Forum