Nqobani Sithole: Umthetho Wezokhetho Angiwuphikiseli uKasukuwere Kodwa Bonke Abahlala Phandle Kwelizwe

Igqwetha elilwela amalungelo oluntu uMnu Nqobani Sithole uthi ukuphikisa kwakhe umthetho olawula ezokhetho oweElectoral Act, othathela umuntu ilungelo lokuvota nxa ethe wahlala phandle kwelizwe okwesikhathi asedlula umnyaka olengxenye akuphehlwanga ludaba lukaMnu Saviour Kasukuwere kodwa kuphehlwe ludaba lwenkulungwane zezizalwane zeZimbabwe ezisebenza kwamanye amazwe ezehluleka ukuvota ngenxa yalumthetho.

Igqwetha likaSithole uMnu Addington Chinake ufikise amaphepha lawa emthethwandaba weHigh Court izolo.

USithole uthi iHigh Court kumele yesule isahluko 23 somthetho lo ngoba sisephula isisekelo sombuso welizwe.

UKasukuwere yena waliswe ukuncintisa kukhetho lukaMongameli lidale leHigh Court kunsukwana ezedluleyo ngemva kokumangalelwa ngumsekeli weZanu PF esithi usehlale kweleSouth Africa okwesikhathi esedlula umnyaka olengxenye.

Kodwa uKasukuwere uyasiphikisa lesisinqumo emthethwandaba weSupreme Court.

USithole utshele uNtungamili Nkomo weStudio 7 ukuthi umthetho lo kumele wesulwe.

Embed share

Ingxoxo loMnu. Nqobani Sithole.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:32 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala