HARARE - Idale leSupreme Court selivumele ukuba udaba lokuba ofuna ukuncintisa kukhetho luka Mongameli uMnu Saviour Kasukuwere avunyelwe ukuncintisa ngemva kokwalelwa lidale le High Court luthonisiswe ngesiphangiphangi.
Udaba lolu luzathoniswa lidale leli mhlaka 27 Ntulikazi.
Ilunga lebandla leZANU PF, uMnu. Lovedale Mangwana, utshele idale ukuba udaba lolu luzaphazamisa amalungelo akhe.
Besipha isinqumo lesi abahluleli abathi uJusticChinembiri Bhunu, Justice Felistus Chatukuta lo Justice Susan Mavhangira bavumelane kungela kuphikisana ukuba udaba lolu luqakathekile.
Ekhuluma ngemva kokuphela kodaba lolu igqwetha lika Kasukuwere, uMnu. Method Ndlovu.
"Uyakhumbula ukuthi uKasukuwere kamiswa yiHigh Court, uMangwana wafaka udaba lolu ukuba luzwakale ngesiphangiphangi. Sinikwe ama date ukuba udaba lolu luzwakale ngesiphangi phangi"
UNdlovu uqhubeke esithi ukhetho soluseduze esithi bayathemba ukuba udaba lolu luzazwakala masinya ukuze uKasukuwere avunyelwe ukuncintisa.
"Ukhetho soluseduze sifuna ukuba udaba lolu luzwakale ukuze amalungelo akhe angaphazamiswa"
huluma esemthethwandaba isikhulumeli sika Kasukuwere uNkosikazi Jacqueline Sande uthi loba nje lokhu kuabaphazamisa bazaqhubekela phambili bekhankasela.
"Angiboni ukuthi lokhu kuzasiphazamisa. IZEC kumele iqhubekele phambili ngomsebenzi thina okwethu yikuqhubeke sikhankasa"
UKasukuwere wasiwa edale ngu Lovedale Mangwana yena othi akumelanga acintise kukhetho luka Mongameli ngoba wahlala isikhathi eside engekho eZimbabwe lokho okungavunyelwa ngumthetho kuleli.
Kolunye udaba ko Bulawayo ngoLwesine, idale leHigh Court lithe lizakupha isinqumo salo kudaba lapho abavoti abalitshumi lambili-12 besithi kumiswe ukubekwa kwabancintisa bemele ibandla le CCC edale lephalamende abalitshumi lambili koBulawayo.
UMahluli, uMnu. Bongani Ndlovu, ubikwe ukuba uzafaka ilanga lapho azakutsho khona isinqumo sakhe.
Udaba lolu luzwakale edale leHigh Court koBulawayo luphuma ebulenjini be internet ku live streaming ngemva kokuba inkampani yezindaba eyeCITE icele idale udaba lwabo luzwiwe nguzulu wonke ngenxa yokuqaketheka kwalo.
Forum