Abatshutshisi beMelika Bavulele uTrump Icala Lokuzama Ukwalela Embusweni Ngemva Kokunqotshwa Kukhetho

Owake waba nguMongameli weleMelika uMnu Donald Trump usevulelwe amacala amatsha amane agoqela elokuzama ukwalela esihlalweni ngemva kokunqotshwa nguMnu Joe Biden kukhetho olwenziwe ngomnyaka ka2020.

Owakhethwe lugatsha lwezemithetho ukuthi aphenye amacala kaTrump uMnu Jack Smith wazise ngoLwesibili ukuthi amanye amacala asebewethesa uTrump ngawokuphazamisa umsebenzi wedale lePhalamende eleCongress, elabuthene lisamukela impumela yokhetho kanye lokwephula amalungelo kazulu.

Lokhu ngokwesithathu ukuthi uTrump avulelwe amacala nguhulumende.

UTrump uyawalandula amacala lawa esithi uyahlukuluzwa nje nguhulumende kaBiden ngoba engafuni ukuthi ancintise kukhetho lukaMongameli ngomnyaka ozayo.

Olandela ezombusazwe njalo elwela amalungalo oluntu uMnu Difa Dube utshele iStudio 7 ukuthi ukuvulelwa kukaTrump amacala kuveza sobala ukuthi eMelika umthetho uyalandelwa esikhathini esinengi kungelani lesikhundle umuntu ayabe esiphethe kumbe eke wasiphatha.

Embed share

Ingxoxo loMnu Difa Dube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:18 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala