Uhulumende ubikwa esephathise imndeni yamalunga eqembu lezomculo eleInsimbi Zezhwane uElvis “Ma Eli” Mathe loThembinkosi “Maviri” Mpofu ababhubhe ngoMgqibelo odluleyo ngokunikeza amabhasi amahlanu awokuthwala abantu abazakuya enkonzweni yesikhumbuzo lamuhla ekuseni eBulawayo Ampitheatre.
Amabhasi la akhangelelwe ukusuka eAmpitheatre esiya eTsholotsho lapho okuzabekwa khona ngoMgqibelo uMaEli, yena ophiwe inhlonipho yokuba liqhawe lesiqinti ngumongameli Emmerson Mnangagwa. UMaviri ukhangelelwe ukubekwa ngeSonto emathuneni eLuveve
Iphephandaba le The Chronicle libika ukuba amabhasi la azathwala labo abafuna ukuya e-ampitheatre ngehola lika 7:30 ekuseni eNkulumane Shopping centre, Phumula Terminus, leChigumira Shopping Centre eLuveve lamuhla.
UMnu. Nicholas Moyo, umqondisi weNational Arts Council of Zimbabwe uthi utshayela ikhansili yakoBulawayo ihlombe ngokusukumela phezulu inikeza imvumo yokusebenzisa iAmpitheatre ngemva kokukhalaza kwenhlanganiso yakhe.
Uxoxa loSithandekile Mhlanga weStudio 7 ngaloludaba, langoncedo uhulumende alunikeza ama artists.
Forum