Abatsha eZimbabwe bathi sebelungiselele ukuvota kukhetho olukhulu oluzaqhutshwa ngeviki ezayo.
Kodwa kulabanye abathi kabasoze bevote kukhetho lolu.
Abanye bathi selubaphuzele ukhetho ngoba bafuna kube lenguquko elizweni. UTabeth Milanzi, ohlala eKwekwe, uthi uselungiselele ukuvota.
UCarol Moyo, okubandla leMovement for Democratic Change, laye uthi uzavota lonyaka. Ukhuthaza abantu ukuba bekhankasele ukhetho lolu ngokuthula.
UPashor Rafael Sibanda, ozancintisa kukhetho ekubandla leCitizens Coalition for Change, uthi banengi abatsha abafisa ukuvota lonyaka.
Kodwa uNyari Bechani uthi abantu abanengi bazavotela iZanu PF.
Inhlanganiso ebona ngezokhetho eyeElection Resource Center yenza uphenyo olujulileyo ngoNhlangula lonyaka oluveze ukuba kulabanye abatsha abathi kabasoze bevote kukhetho oluzayo ngoba akulanto ezaguka bengaze bevotele abantu ababakhethileyo.
Omunye wabatsha abangasoze bevote nguCalistas Moyo.
Bakhona abanjengaye abathi akuncedi lutho ukuvota. UMnu. Thembeli Mhlanga, ingcwethi ecubungula ezabatsha, uthi kumele abasakhulayo bevote kukhetho oluzayo ngoba kunengi abazakuthola.
Wengeze esithi abatsha kumele behlolisise okwethulwa ngabancintisayo ukwenzela
Kulabatsha abanengi eZimbabwe okwedlula abanye abantu. Lokhu yikho okwenza amabandla ezombusazwe ezame ngamandla ukuba abatsha bevote kukhetho oluzayo.
Forum