Osaphethe isikhundla somqondisi womsakazo weVoice of America (VOA) uNkosikazi Yolanda López usesole uhulumende weZimbabwe ngokuncitsha intathelizindaba zeStudio 7 eziseWashington DC imvumo yokuyasakaza ngezokhetho ziseZimbabwe.
“Kusiphathe kabi kakhulu ukuzwa ukuthi ezinye intatheli zethu zincitshwe imvumo yokuya eZimbabwe ngaphambi kokhetho lwangoLwesithathu,” kutsho uNkosikazi Lopez.
“Ngaphandle kokuthatshwa kwezindaba ngeqiniso kukhangelwa inhlangothi zonke,” kuqhubeka u-López, “abavoti baseZimbabwe ngeke bathole izindaba ezibalulekileyo besiya-nje okhethweni.
“I-VOA icela iziphathamandla zonke ukuthi zivumele abezindaba abafuna ukuyathapha izindaba zokhetho lweZimbabwe.”
I-Studio 7 yakhweza amaphepha ayo kugatsha lukahulumende olubona ngokwethulwa kwemibiko mhlaka 30 ngoNhlangula icelela intathelizindaba lezi imvumo kodwa iziphathamandla zalolugatsha zaphendula zisala futhi zingaphi isizatho.
Kulezinye intatheli zemisakazo yamazwe engentshonalanga lazo ezaliswe ukungena eZimbabwe zilanda ukhetho.
Umsakazo weStudio 7 usebenza uphansi kweVOA njalo usakaza nsuku zonke eZimbabwe useWashington DC, okuyisigodlo seMelika.
Forum