Amapholisa asexwayise uzulu weZimbabwe ukuthi engalokothi atshengisele ngodlakela ezitaladeni kumbe abuthane ngaphandle kwemvumo, esithi abazatholakala besenza lokhu bazawukhomba onotshwala.
Umbiko lo uza ngesikhathi kulokufuthelana okukhulu elizweni phezu kwempumela yokhetho olwenziwe ngeviki edluleyo ephikiswa libandla eliphikisayo eleCCC, lona elithi umholi walo uMnu Nelson Chamisa waqilwa nguMongameli Emmerson Mnangagwa leZanu PF yakhe.
Isikhulumeli samapholisa uMnu Paul Nyathi, kumbiko awethue izolo, uthe kulembiko ethunyelwa yizigilamkhuba enkundleni zokuxhumana zikhuthaza abantu ukuthi batshengisele ngodlame, ikakhulu eHarare lakoBulawayo.
Kodwa uthi abazakwenza lokhu bazaphathwa ngesandla somthetho esilikhuni.
Ukuhlaziya loludaba, sixoxe lomkhokheli wenhlanganiso elwela amalungelo oluntu eyeIbhetshu Likazulu uMnu Mbuso Fuzwayo.
Forum