Kulowesilisa omiswe emthethwandaba kamantshi eHarare ngoLwesibili esetheswa amacala okubulala abantu abahlanu, 5, abahlala ezitaladeni ngokubagongoda ngamatshe wabahlinza, waphinda wosa inyama yabo wadla.
Amapholisa athi uThandolwenkosi Ndlovu ubotshwe ngemva kokubulala umuntu wesihlanu phakathi kwensuku eziyisitshiyangalombili eHarare ngoMvulo .
Athi njalo ngomnyaka ka2020 uNdlovu wabulala abantu abathathu, 3, koBulawayo ngendlela efanayo wasebalekela eHarare. Lokhu kutsho ukuthi sowabulala abantu abayisitshiyangalombili, 8.
Umsolwa ubesithi angabulala umuntu amhlinze ngamambodlela abuye asike amaphambili, kutsho isiskhulumeli samapholisa uMnu Paul Nyathi kumbiko asethulele intathelizindaba.
UNdlovu utshele umthethwandaba ukuthi uyawavuma wonke amacala awetheswayo; ngakho uthe awumelanga utshone udlalisa isikhathi sawo.
Forum