Uzulu usele ebambe owangaphansi kulandela ukwethulwa koluhlu lwabaphathintambo, icabinet, ekhethwe nguMongameli Emmerson Mnangagwa ebalisa indodana yakhe uMnu. David Kudakwashe Mnangagwa, ozakuba ngumsekeli kaMnu. Mthuli Ncube kugatsha lwezemali lomzukulu wakhe uMnu. Tongai Mnangagwa.
UKudakwashe ngomunye wabathole izicoco zama degree ngeviki edluleyo ekolitshini le University of Zimbabwe.
Umsekeli kamongameli welizwe, uMnu. Constantino Chiwenga ususwe kugatsha lwezempilakahle kwafakwa uMnu. David Mombeshora.
Abanye bathi uluhlu lolu ngolungathembisi ukuthuthukisa ilizwe olungakaze lubonakale selokhe ilizwe lathola uzibuse.
Ke sizwe amazwi omsekeli wesikhulumeli sebandla le CCC, uMnu. Felix Magalela Mafa Sibanda.
Okunye okudanise abanye yikuthi kulabantu abalutshwana abadabuka ezabelweni zeMandebeleni.
Kodwa ingcwethi ecubungula ezombusazwe, uMnu. Methuseli Moyo utshele iStudio Seven ukuthi bekunzima ukuthi uMnangagwa akhethe abavela esigabeni seMandebeleni ngoba bengavotelwanga ngobunengi abe Zanu PF abadabuka kulumhlubulo welizwe.
Forum