Kambe ukuxotshwa kwamalunga ebandla le CCC okwenziwe ngozithi ngosaphethe isikhundla sikanobhala jikelele webandla leli, uMnu. Sengezo Tshabangu, kuzaphumelela na?
Abanye bathi nxa kuliqiniso ukuthi uTshabangu nguye owasayina amaphepha alabo abancintisa kukhetho olusanda kwedlula ibandla le CCC lisenkingeni ngoba umthethwandaba ulakho ukuvuma ukuthi amalunga edale alitshumi lanhlanu, 15, lamakhansila alitshumi lasikhombisa, 17, axotshwe.
UTshabangu uthi ulilunga lebandla le CCC okugcweleyo njalo useke walimela kukhetho okumenza amangale ukuthi ibandla selisithi alimazi.
Asenelisanga ukuzwa ukuthi usomlomo wedale lephalamende, uMnu. Jacob Mudenda, onguye omele athathe inyathelo lokuxotsha amalunga la uthini ngogwalo alwethulelwe nguMnu. Tshabangu.
Njengoba iStudio Seven ingasekeli hlangothi sibuye saxoxa lesikhulumeli sebandla le CCC koBulawayo, uMnu. Swithern Chiroodza.
Forum