Kubikwa kulokungavumelani emazweni angamalunga enhlanganiso ye SADC kudaba lokuthi izizalwane zalamazwe zenelise ukungena lula emazweni la ngenjongo yokuthi abantu balamazwe benelise ukuyabona imidlalo ye World cup ezakwenzelwa kwele South Africa ngomnyaka ka 2010.Kubikwa amanye amazwe esithi udaba lwe univisa system luzabangela ukuthi abantu bemazweni afana le Zimbabwe bazahle bathathe ithuba lokubalekela indubeko ababhekane lazo.
Kodwa ingcwethi kwezombusazwe ithi i SADC izibuyisela emuva nxa sokulokungazwanani phezu kwaloludaba ngoba bekuvele kuyinjongo yayo ukuthi kusiyafika umnyaka ka 2015 kube sekususwe imigoqo kwezo kwethekelela,ukuthengiselana njalo sokulemali yinye esetshenziswa phakathi kwalamazwe.Ukuze sizwe okunengi ngaloludaba u Brenda Moyo we Studio 7 uxoxe lomnumzana Bhekinkosi Moyo we Iinstitute for Democracy in South Africa.